Fikr-u idrok o‘zgarar yillar o‘tgani sari,
Umr o‘tar, vaqt o‘tar quyosh botgani sari.
Hech kim dunyo bag‘riga diydasi qotib kelmas,
Inson bunda toblanar har tosh tekkani sari.
Ro‘zg‘or deya kun-u tun chopar ahli odamzod,
Ro‘zg‘or g‘ori yopilmas ming bir to‘kkani sari.
Nolimoqni hayotda shior aylagan qancha,
Hayot qadding bukadi yana bukkani sari.
Harakatda barakat deydi dono xalqimiz,
Baxt-u omad yor bo‘lmas faqat kutgani sari.
Bekpoʻlat BAXTIYOR
“Jannatim-Onam” toʻplamidan. 2016-yil
