(qoʻshiq)
2015-yil marhum xonanda Shahnozabonu tomonidan ijro etilgan.
Onajonim, jonajon
oʻzingizdan aylanay,
Bolam deb erkalagan
soʻzingizdan aylanay.
Xato qilsam hamisha
toʻgʻri yoʻlga solarsiz,
Ortingizdan borarman
izingizdan aylanay.
Farishtalar fayzini,
sizga qoʻshib berganmi,
Toʻlin oydek porlagan
yuzingizdan aylanay.
Koʻnglingiz ziyolari
quyoshga taft berguday,
Mehr toʻla nigoh-u
koʻzingizdan aylanay.
Matonatda togʻdaysiz
gʻam-tashvishga yengilmang,
Menga bergan halol non
tuzingizdan aylanay.
Bekpoʻlat BAXTIYOR
“Mehringizdan aylanay” toʻplamidan. 2014-yil
