DO‘STIM MENGA XIYONAT QILMANG

Loyqalansa chashma-yu zilol,
Gunohlarim ayting bemalol,
Bir kun sizga kelsam-u malol,
Do‘stim, menga xiyonat qilmang.

Mayli, topib keting yo‘lingiz,
Mayli, uzing do‘stlik qo‘lingiz,
Dilхоhishim shudir bilingiz,
Do‘stim, menga xiyonat qilmang.

Sirlarimni dasturxon qilib,
Xayollarim parishon qilib,
Dilda nafrat, yuzimga kulib,
Do‘stim, menga xiyonat qilmang.

Ichib turib tuz-u oshimni,
Daryo etmang ko‘zda yoshimni,
Egmoq bo‘lmang aziz boshimni,
Do‘stim, menga xiyonat qilmang.

Har to‘kisda bir ayb bo‘lar,
Inson doim xatolar qilar,
Ustimizdan g‘animlar kular,
Do‘stim, menga xiyonat qilmang.

Bekpoʻlat BAXTIYOR
“Jannatim-Onam” toʻplamidan. 2016-yil